رسالة برجك لليوم
برج الحمل
اليوم عم تكون مندفع وعندك حماس وعم تنفذ بعض الخطط أو الأشياء الي كنت مأجلها ، عندك فرص مهمة بتساعدك لتحقق غاياتك وأهدافك ركز بشكل جيد وخليك متفاعل وأكثر ديناميكية.
برج الثور
عليك أن تكون سريع بإتخاذ قراراتك وتعرف شو بدك وتلتزم بالقرارات الي بتتخذها ، عليك أن تعزز من ثقتك بنفسك وتكون واثق من حالك وتخوض التجارب الي بتفيدك وبتزيد خبرتك.
برج الجوزاء
عندك بعض العراقيل أو المواجهات بأمور العمل وممكن عم تخطط للدخول بعمل جديد بتلاقي الدعم والمساعدة من بعض الأشخاص المقربين منك ، عندك سوء تفاهم مع شخص ما ماتضيع وقتك بالقيل والقال.
برج السرطان
اليوم الحظوظ عم تحالفك وعندك طاقة رائعة لتخطي العديد من العقبات ، ركز بأمور العمل وعيد حساباتك حتى تعرف شو إلك وشو عليك ، لاتهمل الجانب العائلي وخصص لهم بعض الوقت.
برج الأسد
عندك حلول وانفراجات بتتعلق بأمور كنت مستصعبها رح تلاقي مساعدات من بعض الأشخاص المحيطين لكن عليك أن تكون منصت جيد وتأخذ بالنصائح الي عم تكون لمصلحتك.
برج العذراء
عم تفكر بكتير أمور شاغلة بالك ، عليك أن تكون واقعي وتتعامل مع الحقائق والوقائع الي على أرض الواقع حتى ماتنصدم بالنتائج ، عليك التحلي بالصبر لتوصل لأهدافك.
برج الميزان
حاسس ببعض التعب والإرهاق نتيجة الضغوط المستمرة والمهام الملقاة على عاتقك ، خلص الأعمال الضرورية وبنصحك تاخد اجازة أو استراحة من العمل للاهتمام بصحتك وتريح نفسيتك.
برج العقرب
يوم جيد ومناسب للقيام بالعديد من الأعمال والمهام حاول تكون سريع بخطواتك وماتكون متشبث برأيك عندك بعض التغييرات والتطورات عليك أن تكون كثير الاستماع قليل الكلام .
برج القوس
عليك بتنظيم وقتك لان رح تكون اليوم مضغوط بكتير أعمال وأشغال وعندك لقاءات مع أشخاص مهمين و ممكن تحصل على فائدة من خلالهم .
برج الجدي
اليوم طاقتك سوبر ممتازة وحظوظك عالية استغلها بالقيام بالأعمال المؤجلة وان كان عندك مشاكل أو خلافات فاليوم جيد ومناسب للتخلص من أي سوء تفاهم وتجاوز العقبات.
برج الدلو
عم تركز طاقتك واهتمامك بأمورك المهنية عليك أن تدرس خطواتك بشكل جيد وتكون حذر وشديد الانتباه على أدق التفاصيل الصغيرة ، رح تحصد ثمار تعبك وجهدك خلال الفترة القادمة إن شاء الله.
برج الحوت
عليك أن تكون أكثر حنكة وذكاء بالتعامل مع زملاء العمل لتقدر تتخطى العقبات وتثبت مكانتك وشخصيتك ، خصص بعض الوقت للاهتمام بأمور العائلة والمنزل.
لتعرف توقعات برجك لعام 2023 .. انقر هنا …
للانضمام مباشرة الى الصفحة الرسمية للفلكي ثابت الحسن
ـــــــــــــــــــــــ
ملاحظـــة هامــــة جـــدا .. أرجو مشاركة البوست من الجميع على صفحاتكم والكروبات للدعم