رسالة برجك لليوم
برج الحمل
يوم جيد ومناسب لتهتم بأمور مؤجلة تتعلق بالعائلة والمنزل ، اهتم بحالك واطلالتك حتى تجدد طاقتك وترجع بنشاط وحيوية تتابع أعمالك ومسؤولياتك.
برج الثور
حاول اليوم تضبط انفعالاتك وتكون أكثر هدوء وروية حتى ماتتعرض لجدالات حادة تزعجك ، استغل يومك بالقيام بأشياء انت بتحبها وبتنعكس عليك بطاقة إيجابية.
برج الجوزاء
اليوم طاقتك حلوة بنصحك تخلق أجواء إيجابية ضمن الوسط المحيط فيك وتعكس طاقتك عالناس الي حواليك وتوطد علاقتك معهم ، عندك أوقات جيدة برفقة العائلة والأصدقاء .
برج السرطان
عزز ثقتك بنفسك وماتتردد بقراراتك واختياراتك عندك تطورات وأخبار حلوة خلال الفترة القادمة ، اليوم عندك تواصل أو لقاءات مع الأصدقاء بنصحك تستفاد من أصحاب الخبرة وتكسب منهم خبرة تفيدك بمجال العمل.
برج الاسد
بنصحك اليوم تستغله للراحة والاستجمام بعد فترة من الضغط والتعب ، حاول تقضي وقتك مع العائلة وتهتم بأوضاعهم وحاجاتهم ، عيد حساباتك المالية واضبط نفقاتك .
برج العذراء
عندك ضغوطات ومسؤوليات كبيرة وعدة أمور شاغلة بالك ، بنصحك اليوم تريح راسك وتهتم بوضعك الصحي و ممارسة تمارين رياضية لتحافظ على صحتك ونشاطك .
برج الميزان
اليوم عم تكون نشيط وطاقتك عالية بتنشر السعادة والتفاؤل ضمن الوسط المحيط فيك ، ممكن عم تفكر بسفر أو رحلة قصيرة برفقة العائلة أو الأصدقاء اذا كانت الظروف مناسبة .
برج العقرب
يوم جيد ومناسب للتواصل الاجتماعي بلقاءات أو اتصالات هاتفية ، بنصحك ماتكون حساس وتدقق عتفاصيل صغيرة اتقرب من أفراد العائلة حتى تكسب محبتهم وودهم.
برج القوس
ممكن تكون مزعوج من أمور ماعم تكون راضي عنها ، بنصحك ماتعطي الأمور أكتر مابتستاهل وفكر بحالك وصحتك ودور عالأشياء الي بتعطيك طاقة إيجابية وابتعد عن الأشخاص الي طاقاتهم سلبية .
برج الجدي
حتى اليوم ماعم تقدر ترتاح وعم تهتم بأمور بتتعلق بالعمل أو حسابات مالية ، حاول تخلص بأقصر وقت ممكن واهتم بالجانب الشخصي من حياتك وحل أي خلاف أو سوء تفاهم موجود مع أحد الأشخاص.
برج الدلو
اليوم عم تشعر بالخمول والكسل ومانك حابب تعمل شي ، بنصحك تستغل يومك وتقوم بنشاطات تعطيك حيوية وطاقة وتواصل مع أصدقاءك وخاصة الي صرلك فترة بعيد عنون وعن أخبارهم .
برج الحوت
اليوم عم تعطي اهتمامك وطاقتك للبيت وممكن عندك إصلاحات أو ترتيبات ، تجديد طاقة المكان جيدة لتنعكس عجميع أفراد العائلة بطاقة إيجابية ، خصص بعض الوقت للاهتمام بالشريك.
لتعرف توقعات برجك لعام 2023 .. انقر هنا …
للانضمام مباشرة الى الصفحة الرسمية للفلكي ثابت الحسن
ـــــــــــــــــــــــ
ملاحظـــة هامــــة جـــدا .. أرجو مشاركة البوست من الجميع على صفحاتكم والكروبات للدعم