توقعات البرج الباطني (العربي) اليوم الجمعة 20 فبراير حسب الاسم واسم الأم من خلال الجمّل العددي
لتعرف برجك الباطني اضغط ...هنا...
برج الحمل الباطني
تشعر بحماس و نشاط و ترتاح بعد فترة ضغط كما تتأقلم مع أجواء عمل جديدة و تخطط لتطوير مكانتك و زيادة رصيدك بالعمل ، أخبار إيجابية على الصعيد العاطفي و تبادل لوجهات النظر و الإعجاب مع شخص جديد بحياتك قد تتكلل بالإرتباط للعازبين ، انتبه على مصروفك و ما تتورط بشراء أشياء مانك بحاجتها .
برج الثور الباطني
عم تبحث عن وقت للراحة و الإبتعاد عن ضغوط العمل و البيت و العائلة و المسؤولية ، خليك إيجابي بالتفكير و ابتعد عن التشاؤم و السلبية ، لقاء مع شخص قريب منك و ممكن يجيك منه خير فتحصل على دعم أو مساعدة معنوية و ربما مادية ايضا ، عليك أن تتفهم الشريك و تتجنب استفزازه .
برج الجوزاء الباطني
عم تعزز مكانتك ضمن الوسط المحيط و تعمل يلي فيك عليه حتى تحسن ظروف حياتك للأفضل ، تلتقي العديد من الأشخاص المقربين منك و توضح وجهة نظرك حول قضية مهمة ، انتبه من التجريح و خليك لين و دبلوماسي ، كما تهتم بصحة أحد الوالدين و تقدم له العناية و الرعاية اللازمة .
برج السرطان الباطني
عندك كتير أمور عالقة عم تحاول إنك تتخطاها أو تجد حل مناسب لها في ضغوط ربما تكون عائلية مانك عم تكون مرتاح و ما عم يتوفر عندك الجو المناسب حتى تعمل الشي يلي ببالك و بخليك تحقق هدفك ، في شي عم يخليك تعيد التفكير بشيء ماضي و ربما تندم على التسرع بإتخاذ موقف أو قرار .
برج الأسد الباطني
يوم جيد و إيجابي و عم تقدر تتصرف بشكل مناسب حتى تحصل على الشي يلي بدك ياه ، تضع لمسات مهمة بالعمل و تؤيد بعض المواقف او الآراء المطروحة ممن حولك كما تهتم بمحيطك الاجتماعي و ممكن تقدم مساعدة أو استشارة لأحد المقربين منك ، ربما تدخل بإدارة عمل جديد يأخذ حيز من وقتك.
برج العذراء الباطني
تعتني بأمورك الخاصة و تؤجل الأعمال المهمة لوقت تاني ، عم تعطي كل شيء حقه و عم ترسم حدود لبعض القضايا يلي أخدت كتير من وقتك و بدك تخلصها بأقل الخسائر ، كما تهتم بأعمال و أشغال تدر عليك أرباح جيدة و ممكن توفر مبلغ مناسب تستخدمه وقت الحاجة .
برج الميزان الباطني
مازالت حظوظك جيدة و عم تقدر إنك تستفيد من طاقاتك حتى تعمل الأشياء المهمة و تقوم بما يجب من أعمال و أشغال تهتم بمظهرك و إطلالتك و تسعى لتزيد من قدراتك و إمكانياتك و بتقدر تحقق نجاح ملفت ، في تعويض جيد لخسارة أو فقدان مبلغ مالي و هاد الشي بخليك ترتاح أكتر .
برج العقرب الباطني
ابتعد عن إثارة الخلافات و المشاكل مع المحيطين و التزم بالعمل أو التعليمات يلي عم تمشي عليها و تجنب المخالفة أو التصادم مع أشخاص قريبين منك ، انتبه من العصبية أو ردود الأفعال المزعجة مع الشريك حتى ما تخسر محبته أو وده .
برج القوس الباطني
يوم جيد عموما و عندك كتير نقاط إيجابية ممكن تتأثر فيها و تعمل العديد من الاتصالات مع أصدقاء إلك زمان ما شفتون و ممكن تحصل على شيء غير متوقع ، في خلاف غير مفهموم مع الشريك فيك تحله بكلمة طيبة أو هدية بسيطة ممكن تسر خاطره و قلبه .
برج الجدي الباطني
يوم جيد فيه الكثير من الأعمال الي لازم تقوم فيها ، عم تقدر تلحق شغلك عاللحظة الاخيرة و تعمل ما بوسعك حتى تبقى مواكب التطورات بالعمل ، انتبه على معاملتك مع الشريك لا تستفزه بكلامك و خلي علاقتك فيه جيدة .
برج الدلو الباطني
تبدو أفضل حالا مما سبق عندك كتير أمور فيها تجديد و تشعر بالراحة و الإعخنفتاح للآخرين ، في كتير اخبار انت بانتظارها ممكن يوصلك بخليك مسرور ، استغل الفرصة و لا تخلي الأعمال تتراكم عندك و استفيد من قدراتك العقلية و العلوم و المعارف يلي كسبتا بالفترة الماضية .
برج الحوت الباطني
عم تستفيد من الطاقة و القوة يلي عم تشعر فيها و تضع الأمور في مكانها الصحيح ،لا تخلي الأمور تطلع من إيدك بسبب الشدة أو التعصب الزايد للأفكار يلي عم تدافع عنها و خليك متعاون مع الزملاء و الأصدقاء ، لا تهمل الشريك و تقرب منه و عبر له عن محبتك .
