حظك اليوم مع الأبراج اليومية ليوم الجمعة 31 تموز / يوليو / 2020⁦

ادعمونا بالمشاركة

حظك اليوم مع الأبراج اليومية
ليوم الجمعة 31 تموز / يوليو / 2020⁦
مع
ثابت الحسن
❤ كل عام و أنتم بألف خير ❤
برج الحمل ( 21 آذار _ 19نيسان )
👈 اليوم عم تقدر تجذب الانظار عليك و عم يهتم فيك من حولك ، عندك جاذبية و حضور مميزين و عم تكون لبق بكلامك و كتير دبلوماسي و مرن بتعاملك مع المحيطين ، عم تتلقى دعوة من صديق او قريب ، الوقت مناسب لتقوية الروابط مع اصدقاء او محبين قدامى . ماليا عم تحصل على مبلغ من غير جهد او تعب .
❤عاطفيــا”… الشريك عم يدعمك و يكون جنبك بكل خطوة .
🎯طاقة برج الحمل { 79 }💯
برج الثور ( 20 نيسان _ 20 آيار )
👈 اليوم عم تبقى محافظ على التزاماتك و تعمل الاشياء الضرورية عندك ، يوم اجتماعي عم تتلقى التهاني بالعيد من الاصدقاء و المحبين و تعايد على المقربين منك و دائرتك المحيطة فيك ، عم تسمع كلام عنك او عن حدا بخصك بتحاول تطنشه و ما تعطيه اهمية ، ماليا عندك مصاريف كتيرة و دفوعات مستحقة عليك .
❤عاطفيــا”… العلاقة جيدة مع الشريك فيها مودة و محبة .
🎯طاقة برج الثور { 77 } 💯
برج الجوزاء ( 21 آيار _ 20 حزيران )
👈 اليوم الاجواء فيها سعادة و فرح و بهجة عيد عيش لحظتك و ما تنشغل كتير بالتفكير بالايام الجاي او بالمشاكل يلي ممكن تعترضك ، ممكن تشعر للحظات انك وحيد و ماحدا جنبك و هاد الشعور غير حقيقي لكن طموحاتك و اهدافك هي يلي عم تكون احيانا غير واقعية و غير منطقية لذلك لازم تفرح و تنسر بيومك و ما تضيع وقت كبير بالتكفير ، ماليا عندك وفرة مالية عم تستغلها لشراء حاجياتك الاساسية .
❤عاطفيــا”… الشريك عم يحاول يوضحلك وجهة نظره باستمرار و يقدملك التبريرات .
🎯طاقة برج الجوزاء { 75 }💯
برج السرطان ( 21 حزيران _ 22 تموز )
👈 اليوم عم تكون كتير طبيعي و مانك حابب تعيش اجواء الصخب و العيد عم تقتصر امورك على المقربين منك و تأدية الواجب عليك ، امر مستقبلي شاغل بالك و ذهنك و عم يسببلك بعض القلق بنصحك تستشار شخص بتوثق فيه قبل الاقدام على اي خطوة ، ماليا مصروف كبير و دخل قليل هي الفترة لا تسرف كتير حتى ما توقع بالعجز .
❤عاطفيــا”… خليك واضح مع الشريك و ما تتعامل معه بجفا و ما تخبي عليه اسرارك .
🎯طاقة برج السرطان { 70 } 💯
برج الاسد ( 23 تموز _ 22 آب )
👈 اليوم كتير ايجابي عم تعيش اجواء العيد بكل محبة و تتواصل مع المحبين و العزيزين على قلبك ، عم تجيك اخبار مفرحة و فيها مسرة الك متعلقة باشخاص قريبين من قلبك و بتشعر بالطمأنية و السكينة و بتعكس هاد الشعور و الطاقة الايجابية على من حولك ، ماليا عندك ضغط مالي و مصاريف كتيرة .
❤عاطفيــا”… الشريك عم يظهرلك محبته و لهفته عليك .
🎯طاقة برج الأسد { 80 }💯
برج العذراء ( 23 آب _ 22 آيلول )
👈 اليوم كتير انت مميز و رايق عم تنشر المحبة و تعيش اجواء العيد و الفرح مع من حولك و خصوصا الاطفال ، بتميل للتسلية و المرح معون و تاخد منون طاقة الفرح و البساطة و المحبة ، روحك اليوم مرحة و عم تخلق جو حلو مع المحيطين فيك ، ماليا وضعك المالي جيد وفي عندك مكاسب جيدة .
❤عاطفيــا”… الشريك جنبك و عم يمدك بالطاقة و الدعم اللازمين الك .
🎯طاقة برج العذراء { 81 } 💯
برج الميزان ( 23 آيلول _ 22 تشرين الأول )
👈 اليوم عم تملك القدرة على رسم البسمة على وجوه من تحب ، بتتواصل مع الاصدقاء و المحبين و بتعيد كل شخص في علاقة بينك و بينه و بتكون صاحب مبادرة ، عندك حنين لايام الماضي و زمان الطفولة و بتتذكر اجواء العيد يلي كنت تعيشها و بتحب تعكس هي الصورة على الاطفال من حولك ، ماليا عم تنفق مبلغ لتعيش اجواء العيد بكل فرح و سعادة .
❤عاطفيــا”… اليوم مناسب حتى تقضي وقت اكبر مع الشريك بعيد عن اجواء العمل الصاخبة .
🎯طاقة برج الميزان { 83 }💯
برج العقرب ( 23 تشرين الأول _ 21 تشرين الثاني )
👈 اليوم عم تقدر تتفوق على نفسك و تعيش اجواء المحبة و العيد و الفرح رغم كل التعب و الجهد يلي ممكن عندك ياه ، ضغوط الحياة عليك كبيرة لكن الايام يلي بتكون فيها طاقة محبة و فرح لا تروحها على حالك و عيشها متل ما هيي ، اجتماعات و لقاءات مع محبين و اصدقاء باثر عليك ايجابيا ، ماليا الضيق المالي و المصروف الكبير سبب بقلقك و شعورك بعدم الراحة احيانا .
❤عاطفيــا”… بحاول الشريك يخلقلك جو العيد و يبعدك عن ضغط الحياة و العمل .
🎯طاقة برج العقرب { 73 }💯
برج القوس ( 22 تشرين الثاني _ 21 كانون الأول )
👈اليوم عندك رغبة كبيرة بلقاء الاشخاص العزيزين على قلبك و انك تعيش معون اجواء العيد و تعيش يومك بسعادة بعيدا عن اي شيء ممكن يسببلك الانزعاج عم تحاول تعزل حالك عن المشاكل المحيطة و تهتم بحالك قدر الامكان و تقضي وقت ممتع ، ماليا عم تحصل على الدعم المالي اللازم بالوقت المناسب من احد المقربين .
❤عاطفيــا”… اليوم عم تلفت انظار الشريك نحوك و تكسب قلبه و محبته
🎯طاقة برج القوس { 77 } 💯
برج الجدي ( 22 كانون الأول _ 19 كانون الثاني )
👈 اليوم انت صاحب الحظ الاوفر الفلك عم يساعدك و تحصل على طاقات كتير حلوة عم تحسن تستغل هالشي و تقضي اجواء العيد بكل محبة و سعادة مع المحيطين ، عم تتعامل مع مجريات الامور حولك بكل ثقة و ذكاء و هاد الشي بيميزك عن غيرك ، ماليا عم تكون نفقاتك متناسبة مع مصروفك .
❤عاطفيــا”… في محبة و اهتمام من قبل الشريك تجاهك و هاد شي بعطيك طاقة حلوة .
🎯طاقة برج الجدي { 86 }💯
برج الدلو ( 20 كانون الثاني _ 18 شباط )
👈 اليوم عندك طاقة حلوة و قدرة على انك تعيش اجواء فيها فرح و محبة مع من حولك ، انت مميز بخلق الاجواء يلي فيها كم كبير من الفرح و السرور و عم تعيش يومك بطاقة حلوة و تنسى همومك و مشاكلك ، لقاء مع شخص قريب منك بتوضح فيه بعض النقاط يلي بتهمك . ماليا ناطر يجيك مبلغ تستفاد منه و توفي التزاماتك الضرورية .
❤عاطفيــا”… لا تفتح نقاش مع الشريك انت بتعرف انه بيوصلك معه لطريق مسدود .
🎯طاقة برج الدلو { 78 }💯

برج الحوت ( 19 شباط _ 20 آذار )
👈 اليوم كتير مناسب الك ، انت من الاشخاص يلي بتحب انك تقضي معظم وقتك بالمرح و التسلية و لقاء الاشخاص المقربين منك ، اجواء العيد كتير مناسبة الك لهيك بتمضي يومك بفرح و سرور ، ممكن تتعرض للانتقاد من قبل شخص مو كتير قريب لقبلك لاتخليه يسرق طاقتك و تجاهل اي كلام بيزعجك ، ماليا مو كتير مهتم بضبط ميزانيتك عم تقوم بالاشياء يلي بتحبها .
❤عاطفيــا”…خليك متل عادتك مع الشريك و غمره بمحبتك و حنانك و لا تدقق معه عالتفاصيل .
🎯طاقة برج الحوت { 76 }💯
….. ……. …… …..
ملاحظة :
الابراج للتفائل فقط .. والغيب لايعلمه الا الله سبحانه وتعالى … يومكم سعيد ..

ثابت_الحسن

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *