حظك اليوم مع الأبراج اليومية ليوم الثلاثاء 28 تموز / يوليو / 2020⁦

ادعمونا بالمشاركة

حظك اليوم مع الأبراج اليومية
ليوم الثلاثاء 28 تموز / يوليو / 2020⁦
مع
ثابت الحسن
برج الحمل ( 21 آذار _ 19نيسان )
👈 عم تحظى بتشجيع ومحبة من الأصدقاء على بعض التحركات الي بدك تقوم فيها لهيك عم تشعر بالراحة وممكن تقوم بإنجاز مهام كبيرة وتخلصها بوقت قصير . نفسيا عم تشعر بالاستقرار والراحة ببيتك وممكن تلتقي مع الأصدقاء والأحباب عند المسا . ماليا عم تجعل المال بين ايدك وسيلة لإسعادك لهيك ممكن تصرف مبلغ كبير في سبيل سفر او رحلة عم تخطط لها
❤عاطفيــا”… علاقتك مع الشريك مستقرة وعم يتقرب منك بطريقة انت بتحبها لهيك رح يزبد الانسجام بينكما
🎯طاقة برج الحمل { 85 }💯
برج الثور ( 20 نيسان _ 20 آيار )
👈 حاول اليوم تكون حذر ومنتبه لبعض التفاصيل الصغيرة بشغلك ممكن تتعرض لمعاكسات أو عراقيل عم تظهر بشكل مفاجئ وعم تلبكك أثناء القيام بعملك . بدي منك تهدي وماتتشجنج اثناء معالجة الأمور ممكن تعتمد على شخص مقرب منك لتخلص بعض الواجبات . حاول تنتبه لصحتك شوي ممكن تعاني من بعض التعب والإرهاق بنهاية هاليوم وبتكون بحاجة للنوم بشكل كافي
❤عاطفيــا”… بتعتب على الشريك وبتحط اللوم عليه لبعده عنك بالاوقات الي انت محتاجه فيها
🎯طاقة برج الثور { 60 } 💯
برج الجوزاء ( 21 آيار _ 20 حزيران )
👈 عم تكون قلق ومتوتر اليوم والوضع مانو مريحك وعم تتلقى وعود ومانها عم تظبط او عم تتأخر لهيك بنصحك تعتمد على ناس بتوثق فيهم وتتشارك معهم الراي لتحل بعض المشاكل الي بالشغل . عملبات بيع او شراء لاشياء مهمة ممكن تتأجل لوقت تاتي بحيث يكون وضعك المالي افضل وتشتري الاشياء المطلوبة بشكل اسهل .
❤عاطفيــا”… علاقاتك مع الشريك متوترة والسبب هوي مزاجيتك المتقلبة هالكم يوم وعم تخليه يكون محتار كيف بدو يرضيك
🎯طاقة برج الجوزاء { 64 }💯
برج السرطان ( 21 حزيران _ 22 تموز )
👈 انت اليوم خيالك خصب وعم تميل نحو الابتكار والابداع بمجالات مختلفة عن هواياتك الاصلية وهالشي عم يخليك تفتح آفاق جديدة امام عملك لتطور من شغلك. بتستقبل ضيف عزيز على قلبك عند المسا وبتقضي السهرة انت وياه . ماليا تقوم بتسديد فواتير مطلوبة منك وبتصرف جزء كبير من مالك
❤عاطفيــا”… بتتقرب من الشريك وبتتفاهم معه على بعض الامور الاساسية بينك وبينه وبتتقارب وجهات النظر بينكما
🎯طاقة برج السرطان { 75 } 💯
برج الاسد ( 23 تموز _ 22 آب )
👈 اليوم وقتك من دهب وعندك امور كتير بدك تخلصها بوقتها وماتتأخر عن آداء واجبك بدي منك ماتتوتر وتتسرع باي خطوة بدك تقوم فيها حتى ماتوقع بمشاكل وقصص انت بغنى عنهاوتشتت ذهنك فيها . عم تقوم بدفع إلتزامات مالية وتنتهي من تسديد دين اوقرض مالي
❤عاطفيــا”… علاقتك مع الشريك مشحونة لاتحاول انك تزيد عليه او تنتقده بتصرفاته حتى مايكبر الخلاف بينك وبينه
🎯طاقة برج الأسد { 74 }💯
برج العذراء ( 23 آب _ 22 آيلول )
👈 في كتير قصص عم تصير معك بشغلك او بحياتك الشخصية مانك رضيان عنها وممكن تختلط الامور عليك وتدخل بنقاشات حادة مع عدة أطراف وهالشي مارح يكون لصالحك حاول انك تفصل الامور عن بعضها وتدرس المواضيع بشكل عقلاني وحكيم قبل ماتعطي اي قرار . اما امورك المالية في بحاحة لشوية صبر ورح يوصلك مبلغ كنت ناطره منذ فترة
❤عاطفيــا”… الشريك ممكن يوجهلك انتقاد قاسي لكن بالنهاية بتهمه مصلحتك وعم يحاول يعطيك وجهة نظره
🎯طاقة برج العذراء { 70 } 💯
برج الميزان ( 23 آيلول _ 22 تشرين الأول )
👈 بتكون مشتت الذهن وبالك مشغول بأكتر من أمر وخاصة اذا كنت عم تقدم مساعدة لشخص ما وعم تشعر انك متعب وما في حدا عم يحس فيك وكل هالمسؤوليات على ضهرك عم تتعبك وتشعرك احيانا بالضجر. روء أعصابك واشتغل على مهلك حتى ماتتعب نفسيتك . الامور المالية جيدة وممكن يوصلك مبلغ بسيط
❤عاطفيــا”… لاتخلي الضغوط الخارجية تأثر على علاقتك مع الشريك وحاول انك تستوعبه وتقدر الظرف الي عم يمر فيه
🎯طاقة برج الميزان { 73 }💯
برج العقرب ( 23 تشرين الأول _ 21 تشرين الثاني )
👈 انت اليوم عم تستعيد ثقتك بتفسك وعم تكسب التأييد من الزملاء وعندك مبادرة لخطوة جديدة وحركة مفيدة وممكن تسافر لمكان فيه ناس بتحبهم . كل الامور عم تكون جيدة وعم تمشي منل مابدك وعم تهتم بدراسة التفاصيل والمواضيع المهمة الك وعم تنظم جدول اعمالك بشكل متناسق مع كل تحركاتك . ماليا عليك دفع وتسديد فواتير مهمة ومصاريفك زايدة عن حدها
❤عاطفيــا”… تعيش مع الشريك لحظات حب وتفاهم وعم تشعر بمحبته وتنسجم معه
🎯طاقة برج العقرب { 87 }💯
برج القوس ( 22 تشرين الثاني _ 21 كانون الأول )
👈 انت اليوم عم تنشط على الصعيد الشخصي وعم تهتم بعلاقاتك الاجتماعية وممكن تزور بعض الأصحاب وعم تطرح مواضع وافكار شيقة بتكسب تأييد بعض الناس وممكن تخطط للمباشرة بعمل او مشروع جديد بالايام الجاي . تبدو اليوم اقتصاديا نوعا ما وعم تحاول انك ماتصرف غير الضروري
❤عاطفيــا”… الشريك ناطر منك مبادرة وكلام حب وغرام فحاول انك تخصصله وقته وتعطيه اهتمام اكبر
🎯طاقة برج القوس { 77 } 💯
برج الجدي ( 22 كانون الأول _ 19 كانون الثاني )
👈 عليك عدم اهمال واجباتك الاساسية وإعطاء شغلك الوقت والجهد الكافي حتى ماتقصر بعملك وتتعرض للملامة من رؤوسائك . فكر بمصلحتك وخفف من حماسك للآخرين وحاول ماتدخل بشؤون غيرك قبل ماحدا يطلب منك حتى تريح بالك وراسك . وضعك المالي مانو مريح وعم تفكر بعمل إضافي يحسن من مدخولك
❤عاطفيــا”… عليك تقدير تعب الشريك ومدحه بكلام يرد له الروح ويعطيه طاقة إيجابية بيشجعه بكل اعماله
🎯طاقة برج الجدي { 71 }💯
برج الدلو ( 20 كانون الثاني _ 18 شباط )
👈 تستعد اليوم لبعض المواجهات مع الجيران او الشركاء بالعمل واليوم انت رح تكون مختلف عن عادتك ورح تسيطر على انفعالك وتعالج الامور بحكمة وروية . بدي منك تحافظ على اسلوبك ودبلوماسيتك ورح تكسب تأييد المحيطن فيك وتعاطفهم معك . ماليا المال بيوصل لإيدك وعم ينصرف بسرعة ومانك عم تقدر تتحكم بمصروفك

❤عاطفيــا”… لاتدع الخلافات البسيطة او سوء التفاهم بينك وبين الشريك يكبر وحاول تعاتبه وتوضح الامور بينكما
🎯طاقة برج الدلو { 67 }💯
برج الحوت ( 19 شباط _ 20 آذار )
👈 انت اليوم عم تتمتع بالحكمة والذكاء وعم تكون اكتر دبلوماسية بتعاملك مع الآخرين ورح تجذب نحوك بعض المعجبين الي ممكن يعبرولك عن إعجابهم ومدحهم لبعض صفاتك . وعم تقدر بحكمتك انك تصلح بين طرفين متخاصمين . الامور المهنية بدها مراجعة من جديد وإعادة تنشيط بعض الأعمال المتوقفة ليعطيك مردد اكبر ويتعدل وضعك المالي
❤عاطفيــا”… تحظى باهتمام الشريك ومحبته والعلاقة عم تميل نحو الاستقرار
🎯طاقة برج الحوت { 76 }💯
….. ……. …… …..
ملاحظة :
الابراج للتفائل فقط .. والغيب لايعلمه الا الله سبحانه وتعالى … يومكم سعيد ..

ثابت_الحسن


تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *