حظك اليوم مع الأبراج اليومية ليوم الخميس 23 تموز / يوليو / 2020

ادعمونا بالمشاركة

حظك اليوم مع الأبراج اليومية
ليوم الخميس 23 تموز / يوليو / 2020⁦
مع
ثابت الحسن


برج الحمل ( 21 آذار _ 19نيسان )
👈 اليوم عم تتراكم عندك الاعمال والاشغال نظم وقتك لتقدر تخلص كل شي بالوقت المناسب، لاتنسى حالك واهتم بصحتك وحاول ترتاح من وقت للتاني او تقوم ببعض التمارين الرياضية ، عند المسا بزيد تواصلك مع الاصدقاء والمقربين ، ماليا مصروفك كبير و عندك مشتريات ضرورية للبيت
❤عاطفيــا”… يوم جيد لحل اي خلاف او سوء تفاهم بينك وبين الشريك
🎯طاقة برج الحمل { 69 }💯
برج الثور ( 20 نيسان _ 20 آيار )
👈 اليوم عم تكون دبلوماسي وبتزداد حركتك وتواصلك مع الاصدقاء والمقربين وعندك اوقات جيدة برفقتهم ، عندك بعض الاجواء المشحونة من حولك عم تلعب دور بتقريب وجهات النظر و هاد الشي بزيد من رصيدك و محبة المحيطين الك .
عم ترجع تعمل حسابات مالية جديدة حتى تعرف شو الك و شو عليك .
❤عاطفيــا”… محبتك للشريك كبيرة و اهتمامك فيه عم يزيد اليوم .
🎯طاقة برج الثور { 74 } 💯
برج الجوزاء ( 21 آيار _ 20 حزيران )
👈 اليوم عندك طاقة كبيرة و نشاط ملحوظ عم تقدر تتابع اعمالك بالشكل المطلوب عم تهتم بامور الها علاقة باوراق رسمية و عم تسعى حتى تكسب اي فرصة بتناسبك حتى تزيد دخلك و تحسن مستواك المعيشي ، عندك قلق داخلي و خوف من المجهول القادم لا تحمل الامور اكتر من حدها .
❤عاطفيــا”… الشريك عم يحاول يرضيك و يوقف معك بكل خطوة .
🎯طاقة برج الجوزاء { 78 }💯
برج السرطان ( 21 حزيران _ 22 تموز )
👈 اليوم مناسب حتى تتصرف بسرعة و حكمة لتدارك بعض المواقف يلي صدرت عنك ، لازم تحل اي مشكلة واجهتك و كانت سبب بخلاف او انزعاج بينك و بين من تحب ، عم تكتر مواعيدك ولقاءاتك وعم تلتقي مع ناس صرلك زمان ماشفتون ، ماليا عندك كسب مالي بيجيك من غير تعب او جهد .
❤عاطفيــا”… خليك مرن بالتعامل مع من تحب و لا تزعل ولا تخلي حساسيتك عالية .
🎯طاقة برج السرطان { 72 } 💯
برج الاسد ( 23 تموز _ 22 آب )
👈 اليوم عندك طاقة كتير ممتازة عم تهتم بأناقتك و توجد الطرق المناسبة حتى تتخلص من اي معضلة بتواجهك بالعمل ، حياتك المهنية جيدة و بتعوض النقص يلي حصل سابقا و لذلك بيتطلب منك انك تنظم وقتك بالشكل الامثل . ماليا امورك جيدة و عم تعرف تتصرف بذكاء و توازن بين الدخل و الانفاق .
❤عاطفيــا”… عم توضح للشريك بعض النقاط الاساسية يلي لازم يقوم فيها حتى تبقى علاقتكون فيها دفء و محبة .
🎯طاقة برج الأسد { 84 }💯
برج العذراء ( 23 آب _ 22 آيلول )
👈 اليوم عم تقوم بجهد كبير و تتابع ادق التفاصيل بعملك خلي تركيزك عالي و ما تشتت افكارك باشياء كتيرة حتى تحصل على مكتسبات حقيقية بعيدا عن الوهم و التخيل ، انتبه بعلاقتك مع الزملاء من انك توقع ضحية او تتعرض لغش خصوصا بقضايا حكومية او رسمية .ماليا عم تدفع استحقاقات مطلوبة منك و هاد عم يخليك تنفق مصاريف زايدة .
❤عاطفيــا”… عم تطلب من الشريك انه يبقى جنبك و يساندك .
🎯طاقة برج العذراء { 75 } 💯
برج الميزان ( 23 آيلول _ 22 تشرين الأول )
👈 اليوم عم تكون منفتح و تستفيد من تجارب الٱخرين من حولك في امر متعلق بسفر او تغيير مكان اقامة عم تحاول تاخد القرار الصحيح بالوقت المناسب ، ما في مشكلة اذا اخدت استراحة المحارب و تفضي حالك من الشغل و تعمل نشاط ترفيهي او امر انت بتحبه .ماليا عم تدفع مبلغ كبير لتطوير عقاري او شراء شيء غالي الثمن .
❤عاطفيــا”… في محبة بينك و بين الشريك عم تتجلى بالتفاهم و الاتفاق على معظم الامور .
🎯طاقة برج الميزان { 77 }💯
برج العقرب ( 23 تشرين الأول _ 21 تشرين الثاني )
👈 اليوم عم تهتم بعلاقاتك مع الٱخرين و تبدي اهتمام ملحوظ بشكلك و مظهرك الخارجي ، عم تكون دبلوماسي و تراعي مشاعر من حولك ، عندك اجواء ايجابية حولك و اهتمام بالزملاء و عم تقترح العديد من الخطط لتحسين ظروف العمل.
ماليا انت بحاجة لمبلغ مالي حتى تغطي نفقاتك ممكن تقترض من صديق عزيز عليك .
❤عاطفيــا”… لا تخلي الغيرة و الشك يتحكمو بمشاعرك و احاسيسك .
🎯طاقة برج العقرب { 76 }💯
برج القوس ( 22 تشرين الثاني _ 21 كانون الأول )
👈 اليوم حظوظك عالية و عندك كتير فرص اذا استغليتها صح ممكن تنفتحلك طاقة الفرج و يجيك موارد مالية جيدة ، عم يشغل بالك قضايا ثانوية بتاخد من طاقتك حاول تتخلى عن اي شيء ممكن يشغل تفكيرك و ما بيجيك منه غير وجع الراس . ماليا انت مرتاح و عم تلاقي حالك بغنى عن بعض الامور الترفيهية يلي بدها مصاريف كبيرة .
❤عاطفيــا”… عم توضح للشريك محبتك و ودك و عم توجد الجو المناسب لتبقى سعيد معه .
🎯طاقة برج القوس { 85 } 💯
برج الجدي ( 22 كانون الأول _ 19 كانون الثاني )
👈 اليوم عندك كتير اعمال بدك تقوم فيها عم تنظم وقتك و تعمل الاشياء الضرورية بكير حتى تلحق تنجز اكبر قدر من الاعمال و الاشغال ، عندك لقاءات و مواعيد كتيرة بتقوم فيها بدور رئيسي و محوري و بتقدر المواقف و الظروف من حولك حتى تلتزم ببعض المواعيد و تأجل مواعيد ليوم أنسب .ماليا عم تحاول تتدارك اي نقص و تزيد من عملك حتى تكسب اكتر .
❤عاطفيــا”… عندك شوق و محبة للشريك و هاد الشي بيظهر على عيونك .
🎯طاقة برج الجدي { 73 }💯
برج الدلو ( 20 كانون الثاني _ 18 شباط )
👈 اليوم عم تهتم بامورك العملية اكتر من اي وقت مضى ، عندك انشغال بسبب العمل و انتظار موارد مالية تأخرت او لسا ما تيسرت معك ، ممكن تستلف مبلغ صغير حتى يوصلك المال الموعود فيه و هاد الشي عم يسببلك عدم الرضى و العصبية المبطنة . عند المسا بتهتم بعلاقاتك الاجتماعية والعائلية
❤عاطفيــا”… المطلوب من الشريك انه يتفهم وضعك و يساعدك حتى تنفرج عليك الامور .
🎯طاقة برج الدلو { 71 }💯

برج الحوت ( 19 شباط _ 20 آذار )
👈 اليوم مناسب للقيام بالاعمال المهمة المؤجلة ، فترة كتير مناسبة حتى تكفي عمل مهم كنت عم تنجزه و الفرصة مهيأة حتى تحصد ثمار تعبك و جهدك و هاد الشي بينعكس على نفسيتك و طاقتك و بالتالي بينعكس ايجابيا على كل من حولك . ماليا حظوظك جيدة و عندك مكاسب اضافية .
❤عاطفيــا”… الجو مناسب حتى تصلح بعض المواقف مع الشريك حتى تعود المياه لمجاريها .
🎯طاقة برج الحوت { 83 }💯
….. ……. …… …..
ملاحظة :
الابراج للتفائل فقط .. والغيب لايعلمه الا الله سبحانه وتعالى … يومكم سعيد ..

ثابت_الحسن


تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *