حظك اليوم مع الأبراج اليومية ليوم السبت 21 تشرين الثاني / نوفمبر / 2020

شارك

#حظوظ_الابراج
ليوم السبت 21 / 11/ 2020⁦
مع
💥 #ثابت_الحسن 💥

برج الحمل
✍ عليك التحلي بالهدوء والاتزان خلال هاليوم . ورتب أمورك وأعمالك بشكل تكون مرتاح لتخف عنك الضغوط وممكن تعتمد على ناس بتوثق فيهم ليساعدوك بإتمام عمل او مهمة . ماليا اخذ وعطاء وامورك جيدة
عاطفيــا”… لاتفرض رأيك على الشريك وحاول تكون دبلوماسي وتاخد وتعطي معه حتى ماينفر منك
🎯 طاقة برج الحمل { 72 }💯

برج الثور
✍ انت اليوم رح تجني نتيجة عملك وتعبك بالفترة الماضية وعم تكون راضي عن عملك وأسلوبك بالشغل ورح تسمع كلام المديح من الرؤساء والزملاء . اهتمامك بعائلتك اليوم رح يشغلك بفترة الظهيرة . ماليا تحسن جيد بالوضع المالي وشراء أشياء شخصية
عاطفيــا”… تبدو واضحا مع الشريك وتعالج المشاكل وسوء التفاهم وتميل العلاقة للاستقرار
🎯 طاقة برج الثور { 79 } 💯

برج الجوزاء
✍ اهتمامك بشغلك والعمل الي عم تقوم فيه بحاجة لطاقة كبيرة لهيك اليوم حافظ على طاقتك وابتعد عن الأجواء السلبية وتعامل مع الأمور بروح رياضية حتى ماتتلبك اثناء القيام بواجبك. ماليا انتبه لمصروفك وخفف من المشتريات الجانبية
عاطفيــا”… تتجاوز الخلافات مع الشريك وتبدو اليوم اكثر توافق معه
🎯 طاقة برج الجوزاء { 70 }💯

برج السرطان
✍ تبدو اليوم ملم بتفاصيل كنت بتجهلها بالماضي وعم تزيد من معرفتك بالتواصل مع بعض الناس الي بتمتلك الخبرة والمعرفة . بتتوطد علاقتك مع بعض الأصحاب وتبدو متفاعلا مع الجميع. ماليا تصرف مبلغ من المال من أجل استثمار او شراء شيء مهم
عاطفيــا”… تبدو رومنسيا وتعبر للشريك عن حبك ومشاعرك نحوه
🎯 طاقة برج السرطان { 76 } 💯

برج الأسد
✍ بتعاني اليوم من ضغط بالمواعيد والعمل الكثيف وكل وقتك مليان وعندك إلتزامات مهمة عليك القيام بها بنفسك وهالشي عم يشغلك ويبعدك عن أهلك وأحبابك وممكن يزعلو منك احيانا. لكن رح تعرف كيف تراضيهم وتتواصل معهم بالوقت المناسب . ماليا مبلغ من المال بيوصلك وعم تتصرف فيه حسب الحاجة المطلوبة
عاطفيــا”… الشريك بيدعمك وبيساعدك وعم يكون جنبك في معظم المواقف من دون ماتطلب منه
🎯 طاقة برج الأسد { 78 }💯

برج العذراء
✍ تشعر اليوم بالاستقرار والهدوء بحياتك الشخصية وعم ترسم خطوات لعملك لتقوم فيها خلال الايام الجاي . تنظر للمستقبل بعين التفاؤل وتبدو اكثر تعاون مع المحيطين . ماليا تقوم بدفع مبالغ مالية وتسدد فواتير ضرورية
عاطفيــا”… تتباحث وتتشارك مع الشريك بخطوات وأمور مشتركة بينكما
🎯 طاقة برج العذراء { 80} 💯

برج الميزان
✍ حاول اليوم تخفف من انفعالك وماتعطي قرار بشكل متسرع في كتير امور لازم تهتم فيها وتعطيها وقتك لهيك روء اعصابك واشتغل على مهلك واتقن عملك ورح تكون النتائج جيدة . ماليا وضعك مانو مستقر وفي مصاريف كبيرة عم تزيد عليك عم تتعبك شوي
عاطفيــا”… خفف من انتقادك للشريك وخليك لبق بكلامك معه
🎯 طاقة برج الميزان { 69 }💯

برج العقرب
✍ انت اليوم عم تغير من أسلوبك بالشغل وعم تكون مهتم بنوعية الآداء. ممكن توصل اليوم لحلول مريحة لبعض العراقيل لكن بحاجة إلى بذل مجهود شخصي وشغل لساعات طويلة. عند المسا لقاء بيجمعك مع شخص او صديق قديم وبتسترجع ذكريات أيام زمان . ماليا عندك مصاريف كبيرة وممكن تحتاج مبلغ إضافي من المال
عاطفيــا”… عليك زيادة الاهتمام بالشريك وعدم اهمال مشاعره وزيادة التواصل بينك وبينه
🎯 طاقة برج العقرب { 74 }💯

برج القوس
✍ يوم فيه بعض التعب والإرهاق وفي أمور عم تتأخر أو تتأجل وهالشي ممكن يتعبك ويوترك حاول إنك ماتتشنج ومرق هاليوم ع سلام وماتفوت بقصص وحوارات أنت مالك دخل فيها حتى ماتستنفذ كل طاقتك وقوتك بأمور بعيدة عنك. ماليا وضعك المالي مستقر ومصروفك على قد المدخول
عاطفيــا”… حاول تكون واضح وصريح مع الشريك وماتخليه يشعر بالتوتر والقلق بعلاقتك معه
🎯 طاقة برج القوس { 65 } 💯

برج الجدي
✍ انت اليوم نشيط وحيوي وعندك طاقة كبيرة لتقوم بكل ماهو مطلوب وواجب عليك .عم تتكيف مع الظروف المحيطة فيك وعم تلاقي حل لكل مسألة عالقة . عندك اتصالات وحورات مع ناس جدد بحياتك ولقاءت حميمة مع بعض الأصدقاء . يوم فيه حركة ونشاط وانتاج جيد . ماليا مبلغ من المال رح يوصلك بسهولة
عاطفيــا”… انسجام وتفاهم مع الشريك وكلام غزل صريح من الطرفين
🎯 طاقة برج الجدي { 89 }💯

برج الدلو
✍تشعر اليوم بالثقة بالنفس والقوة وعم تتحاور مع أشخاص مهمين وعم تثبت رأيك بصراحة ووضوح . كل الأمور عم تمشي متل مابدك وتوافق بالرأي وانسجام مع الشركاء. واذا عندك قصص عقارية او شراء شيء جديد عم تكمله للآخر وعم توصل لهدفك وتنال حقوقك بالكامل . ماليا تطور وتحسن بالوضع المالي وأمورك عم تكون للأفضل
عاطفيــا”… عم تكون عند حسن ظن الشريك فيك وعم تلبي كل طلباته ورغباته
🎯 طاقة برج الدلو { 90 }💯

برج الحوت
✍ عم تكون متوتر بالفترة الصباحية ومحتار ومانك عم تعرف من وين بدك تبلش شغل . من بعد الضهر مزاجك عم يتعدل وعم ترتاح نفسيا وعم يخف عنك التوتر وعم تقوم بما هو مطلوب وممكن تخطط لسفر خلال الايام القادمة . ماليا احتفظ بما تملك وماتهدر مالك
عاطفيــا”… ذكريات قديمة عم تعود لمخيلتك وأوقات حلوة مع الشريك
🎯 طاقة برج الحوت { 77}💯

….. ……. …… …..
ملاحظة :
الابراج للتفائل فقط .. والغيب لايعلمه الا الله سبحانه وتعالى … يومكم سعيد ..
#ثابت_الحسن

أخبار مهمة وتوقعات نارية ومهمة .. لتعرف شو مخبالك برجك خلال هذا الأسبوع أنقر هنا….

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *