حظك اليوم مع الأبراج اليومية ليوم الأحد 18 تشرين الأول / أكتوبر / 2020

ادعمونا بالمشاركة

#حظوظ_الابراج
ليوم #الأحد 18 / 10 / 2020⁦
مع
💥 #ثابت_الحسن 💥

برج الحمل
✍اليوم عم تكون مشغول كتير وفي قصص وواجبات بدك تعملها. انت بحاجة ماسة للوقت الكافي لتخلص كل أمورك لهيك ممكن تعتذر عن بعض المواعيد وتتفرغ لشغلك الضروري وتحاول انك تحصر تركيزك وطاقتك بماهو مفيد الك . ماليا وضعك مانو مريح حاول انك تقتصد بمصروفك
عاطفيــا”… عم تعجبك تصرفات الشريك وممكن تعتمد عليه ببعض الامور المهمة
🎯 طاقة برج الحمل { 70 }💯

برج الثور
✍ عم تبذل مجهود كتير كبير بمجال عملك وعم تستفاد من خطوات ماضية لتتجاوز اي خطأ حاليا . أمورك جيدة لكن اهتم بصحتك شوي وماتنسى حالك بالشغل لان ممكن تتعرض للإرهاق والتعب بنهاية اليوم . ماليا تهتم بمصاريف عائلية ضرورية
عاطفيــا”… خلافات سطحية مع الشريك عم تتجاوزها وعم تكون العلاقة مريحة ومستقرة
🎯 طاقة برج الثور { 68} 💯

برج الجوزاء
✍ دير بالك اليوم لان في مين ممكن ينتقدك بعملك ويعملك مشاكل انت بغنى عنها حاول انك تقوم بواجباتك على اكمل وجه وماتهمل اي عمل عم تقوم فيه . ماليا عم يزيد مصروفك بسبب إلتزامات وحاجات جديدة
عاطفيــا”… علاقتك مع الشريك فيها بعض الفتور والبرود حاول انك تعمل شي يحبه وتجذبه نحوك
🎯 طاقة برج الجوزاء { 60 }💯

برج السرطان
✍ انت اليوم عم تطرح أفكار ومشاريع لكنها بحاجة للدعم المالي والمعنوي لهيك ممكن تتأخر خطواتك أو تأجلها لوقت تاني تكون امورك افضل وتوجد حلول لبعض العراقيل الي ممكن توقف عملك . ماليا مطلوب منك إصلاح بعض الاشياء ولازمك مبلغ من المال
عاطفيــا”… الشريك عم يوقف جنبك وعم يملي فراغك وعم تشعر بالانسجام معه
🎯 طاقة برج السرطان { 76 } 💯

برج الأسد
✍ عندك حماس ونشاط للقيام بماهو جديد وعمل شيء مميز الك . انت اليوم عم تنشغل معظم الوقت وعم تحاول انك تعمل تطوير جديد بشغلك وربما تدخل تحديثات تكنولوجية جديدة لخطة عملك. ماليا مبلغ مالي ممكن يوصلك وتشتري بعض الحاجات الضرورية
عاطفيــا”… الشريك عنده رغبة كبيرة ليصلح العلاقة بينك وبينه والأجواء مستقرة وهادئة
🎯 طاقة برج الأسد { 85 }💯

برج العذراء
✍ لاتتذكر الماضي وترجع للمآسي حاول انك تبدأ من جديد وتزيد من جهدك بعملك لتثبت ذاتك وتحقق مرادك . مافي شي صعب امامك طالما إرادتك قوية . ماليا عليك تنظيم وضبط المصاريف حتى ماتوقع بعجز مالي
عاطفيــا”… لاتخلي الشريك يعيش بدائرة الشك وحاول انك توضح له كل تصرفاتك
🎯 طاقة برج العذراء { 69 } 💯

برج الميزان
✍ اليوم الظروف عم تساعدك لتطلع من بعض القصص الي شاغلة بالك وفي مين عم يدعمك وهالشي عم ينعكس على نفسيتك وتكون اكتر راحة واستقرار بحياتك الشخصية وممكن تهتم بنفسك وتعتني بمظهرك الخارجي . ماليا مبلغ من المال بيوصل لإيدك وبتصرفه لشراء أشياء شخصية
عاطفيــا”… اهتمام الشريك فيك وسؤاله عنك عم يكون من باب المحبة فحاول تتجاوب معه
🎯 طاقة برج الميزان { 77 }💯

برج العقرب
✍ اليوم الحظ لجانبك والأمور عم تتحسن بشكل تدريجي حاول تستغل الفرص الجيدة الي ممكن تنعرض عليك ولاتأجل القيام بأي عمل لبكرى . في مين عم يعتمد عليك ويوكلك بمهمة خاصة عم تثبت جدارتك و تحظى بمحبة واهتمام المحيطين فيك. ماليا مصاريف لأمور جانبية وربما تتعلق بتصليح شيء مهم بالمنزل
عاطفيــا”… خليك واضح مع الشريك وعبر عن مشاعرك لان الكلمة الحلوة إلها تأثير كبير بالعلاقة بينك وبينه
🎯 طاقة برج العقرب { 80 }💯

برج القوس
✍ انت اليوم عم تعرف شو بدك بالظبط وعم تحدد اهدافك وهالشي رح يخليك تسرع ببعض الخطوات بشغلك وتواكب حركة التطور والتقدم. يوم مناسب لطرح بعض الافكار مع الزملاء. ماليا عم تبذل جهد مضاعف لتحسن من مردودك المالي
عاطفيــا”… بتقدر تعب الشريك وبتواسيه بكلام جميل عم يخفف من التوتر الي بينك وبينه
🎯 طاقة برج القوس { 78} 💯

برج الجدي
✍ انت اليوم عم تتمتع بسرعة البديهة وقدرة كبيرة على حل المشاكل وإزالة العوائق بالعمل. عم تقدر تكسب ثقة الزملاء وعم تعود لعملك بطاقة كبيرة وممكن تهتم ببعض الأبحاث العلمية الي بتفيدك بالمستقبل . ماليا مبلغ مالي بسيط ممكن توضعه بالاستثمار لتنال منه ربح بالمستقبل
عاطفيــا”… اهتمامك بالشريك ولهفتك عليه عم تخلي العلاقة متينة وعم تتجاوز اي خلاف ممكن يحدث بشكل مفاجئ
🎯 طاقة برج الجدي { 76}💯

برج الدلو
✍ عليك اليوم التحلي بالهدوء والروية وماتاخد أي قرار بشكل متسرع حتى ماتندم عليه بالأيام القادمة .ممكن تستمتع لنصحية احد الزملاء او الاصدقاء وتاخد الكلام بعين الاعتبار . ماليا تحركات جيدة او مشاريع عم تحاول تقوم فيها وممكن تدفع مبالغ مضاعفة
عاطفيــا”… الشريك بحاجة لوجودك جنبه وتكون السند له حاول انك تخصص وقت لتهتم فيه وتشعره بمحبتك نحوه
🎯 طاقة برج الدلو { 71 }💯

برج الحوت
✍ سمعتك الطيبة عم تحميك وعم تكون ذخيرة الك لتواجه بعض الصعوبات بالعمل وعم تحظى بدعم بعض الاصدقاء . عند المسا ممكن تهتم بصحة أحد الوالدين وتكون قريب منه . ماليا ممكن توصلك هدية او مبلغ مالي بسيط
عاطفيــا”… بتحاول انك تكسب محبة الشريك باهتمامك بأشياء بحبها
🎯 طاقة برج الحوت { 65 }💯

….. ……. …… …..
ملاحظة :
الابراج للتفائل فقط .. والغيب لايعلمه الا الله سبحانه وتعالى … يومكم سعيد ..
#ثابت_الحسن

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *