حظك وبرجك ليوم الأحد 12 آب أغسطس 2018

برجك العربي اليوم
حظك ليوم الأحد 12 آب أغسطس 2018
الفلكي ثابت الحسن
بـــــــــــ الحمل ــــــــــرج
يوم جيد عليك بأن تكون راضي ومتأقلم مع الظروف المحيطة كي تعرف كيف تقنص الفرص لمصلحتك. ماتفكر ببكرة وعيش يومك وخاصة بالوضع المالي. عاطفيا عم تحاول تكون قريب من الشريك لتحافظ على علاقتكما.
نسبة حظوظك اليوم 67%
بـــــــــــ الثور ـــــــــــرج
ممكن تتعرض لبعض الاستفزازات وتظهر عصبيتك بس بترجع تتمالك أعصابك وتهدي لأنك مانك حابب تدخل بمشاكل. المحبة الي بينك وبين الشريك أكبر من الظروف أو المشاكل الي ممكن تتعرضولها.
نسبة حظوظك اليوم 59%
بـــــــــ الجوزاء ـــــــــــرج
عم تهتم اليوم بأحد أفراد العائلة صحيا ونفسيا. اما مشاكلك بتحاول تخبيها جواتك لازم تحلها بطريقة عقلانية وماتتسرع استشر أحد الاصدقاء الموثوقين. عاطفيا الأجواء حاليا متوترة شوي على الشريك المبادرة أيضا اتجاهك.
نسبة حظوظك اليوم 50%
بـــــــــ السرطان ـــــــــــرج
اهتم بشغلك اليوم وكون دقيق بعملك عندك حسابات مالية ودفع وقبض انتبه احسن ماتضيع أو توقع بخربطة. عاطفيا اليوم مناسب لتعزز علاقتك بالحبيب وتصلح الأجواء بيناتكن.
نسبة حظوظك اليوم 62%
بـــــــــــ الأسد ـــــــــــرج
عم تحقق بعض التقدم والنجاح. انتبه من بعض الأشخاص الحساد الي مابيتمنولك الخير. بتحب تخصص جزء من وقتك بالنهار لتقوم بشي أنت بتحبو أو هواية تمارسها. اليوم عم تكون ملفت للانظار والمعجبين حواليك كتار.
نسبة حظوظك اليوم 83%
بـــــــــــ العذراء ـــــــــــرج
يوم جيد لتنجز بعض الأعمال المؤجلة استغل الوقت منيح ماعندك وقت للهو والتسلية. رتب أعمالك ونظم وقتك وأهم شي تعرف كيف تتعامل مع الي حواليك وخاصة زملائك بالعمل. حاسس بتقصير من الحبيب وعم تطالبه بمزيد من الاهتمام.
نسبة حظوظك اليوم 68%
بـــــــــــ الميزان ـــــــــرج
تشعر اليوم بالانسجام مع من حولك وتميل لأجواء الفرح وتبعث السعادة بقلوب من حولك. تخطط للسفر في الفترات المقبلة. عندك لقاء أو اتصال عاطفي وتطورات حلوة بعلاقتك مع من تحب.
نسبة حظوظك اليوم 80%
بـــــــــــ العقرب ـــــــــــرج
حاسس ببعض الجمود في مجال العمل رغم انك عم تقدم وتعطي كل طاقتك. بدك تصبر شوي لتوصل لأهدافك وتحقق النتائج الي عم تطمحلها. على الشريك دعمك وتقديم النصيحة لك.
نسبة حظوظك اليوم 65%
بـــــــــــ القوس ـــــــــــرج
تتعرض لبعض التعب الصحي عليك ان تهتم بصحتك أكثر وماتكابر عحالك. رغم تعبك بتضل عم تهتم ب الي حواليك وتقدم المساعدة. عندك مصاريف زيادة اليوم.
توجه بعض العتب للشريك.
نسبة حظوظك اليوم 50%
بـــــــــــ الجدي ـــــــــــرج
عم تكتر اتصالاتك ولقاءاتك اليوم. بتقدم بعض الخدمات للأصدقاء المقربين وبتتفرغ المسا لحالك وممكن تزور أحد الأصدقاء. عندك تحسن على الصعيد المالي. عاطفيا عليك بتقدير تعب الشريك.
نسبة حظوظك اليوم 70%
بـــــــــــ الدلو ـــــــــــرج
يوم جيد بالنسبة الك وعندك انفراجات وحلول لأمور كانت عالقة ان كانت بمجال العمل او على الصعيد الشخصي. ممكن تتلقى اتصال مفاجئ من حدا صرلك زمان ماحكيتو. يوم مستقر وهادئ على الصعيد العاطفي.
نسبة حظوظك اليوم 76%
بـــــــــــ الحوت ـــــــــــرج
كل مابتلاقي حالك ارتحت شوي وبعدت عن الأجواء السلبية بتطلعلك قصص جديد. حاول تستوعب الأمور وماتتوتر. واشغل حالك بأمور العمل. حاول ماتخلي حدا يتدخل بعلاقتك مع الشريك حتى تضل محافظ على علاقتك العاطفية
نسبة حظوظك اليوم 69%
لتصلك الابراج والتوقعات كل يوم لايك، علق باسم برجك، مشاركة (شير) لدعم الصفحة وشكراا

أنضم إلينا
لمتابعة الصفحة الرسمية للفلكي ثابت الحسن   أضغط هنا
ـــــــــــــــــــــــــــــــ
لمتابعة الأبـــراج  يومياً أنضم إلينا  …   بالضغط هنا
ـــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *