توقعات الابراج كاملة لشهر حزيران يونيو 2019

بـــــــــــ الحمل ـــــــــــرج
🔮بيت حياتك … بتسعى للاستقرار وبتنظم حياتك بشكل جديد عم تكون قريب من العائلة وممكن تراجع نفسك بكل خطوة عم تقوم فيها كتير اسرار بتحتفظ فيها لنفسك وبتظهر قوتك واندفاعك مع نهاية الشهر
🔵بيت مالك … عم يكون الوضع المالي متأرحج هالشهر حاول تكسب من مشروع جديد او تزيد من نشاطك ليكون في عندك مردود اضافي
🔴بيت حركتك وأسفارك… تحركاتك حرة وممكن تسافر بعد منتصف الشهر لمكان تقضي وقت حلو ممكن عالبحر او الطبيعة لاتتردد وتمتع بالاوقات الحلوة
⚫بيت الأولاد والأخبار…اخبار جديدة وسارة بتوصلك منتصف الشهر ممكن تقلب كل وراقك وتعيدهامن جديد
🔵بيت الأمراض … عم تكون صحتك جيدة حاول تهتم بمظهرك الخارجي وتعمل رجيم او حمية غذائية
🔴بيت الزواج…. الشريك بيبعد عنك لفترة لكن مشاعره عم تكون معك وبلحظة بترجع الأحاسيس والمشاعر وبصير في انسجام ومودة بعد منتصف الشهر
🔮بيت العمل والمهنة … مشروع شاغل بالك ورح ياخد من وقتك منتصف الشهر رح يكون في اتصالات جديدة وتطورات حاول تحط كل امكانياتك لتثبت جدارتك
بـــــــــــ الثور ـــــــــــرج
🔮بيت حياتك … ممكن تمر بفترة صعبة ببداية الشهر وبتشعر بالتقييد وانو الحظ مانو عم يحالفك خليك رايق وتعامل مع الامور بدبلوماسية وهدوء ورح تستعيد توازنك وتشوف الخطوات الصحيحة امامك بنهاية الشهر رح ينفتح أمامك ابواب جديدة وتطورات مهمة
🔵بيت مالك …. عم تكون عندك مصاريف كتير اكبر من المدخول وممكن تستلف مبلغ مالي حاول تنظم امورك وتخفف من المصاريف الجانبية فبض مال بنهاية الاسبوع الثالث
⚪بيت حركتك وأسفارك… انت حابب تغير جو لكن مارح تقدر رح يتأجل مشروع سفر او تتعرقل بعض الخطوات مع بداية الشهر ورح تكسب جولاتك بنهاية الشهر
⚫بيت الأولاد والاخبار … لقاء واجتماع مع شخص بيوجهك لمشروع او عمل بتنال خير منه تعب من جهة الاولاد
🔵بيت الأمراض…. ممكن تعاني من آلام بالمعدة او ارتفاع بضغط الدم
🔴بيت الزواج… الشريك عم يعاني من بعض الضغوط وممكن يحملك مسؤولية لتشيل بعض الواجبات المنزلية بنهاية الشهر رح تتوضح الامور وتكون قريب منه
🔮بيت العمل والمهنة … اخبار جديدة بالعمل بنهاية الشهر ونتائج جيدة بشكل مفاجئ وهالشي رح يسرك ويريحك
بـــــــــــ الجوزاء ـــــــــــرج
🔮بيت حياتك …. هالشهر عم تحظى بدعم قوي وتركيزك عم يكون كبير رح تلاقي حلول لبعض المشاكل الي عم تعاني منها ويزول الهم والتوتر رح يكون اسلوبك مختلف وتكون منشرح صدر بعد منتصف الشهر عم يكون في تطور إيجابي وتفاعل مع المحيطن فيك
🔵بيت مالك …. بتحقق ارباح جيدة وبتتلقى مبلغ مالي وممكن تشتري سيارة او موبايل
⚫بيت حركتك وأسفارك…. كون حذر بتحركك ممكن تتعرض للكسر او حادث خفيف مشروع سفر للخارج مارح يتم ويتأجل
🔵بيت الأولاد والاخبار… عم تشيل هم اولاد بموضوع صحي او امتحان صعب ريح اعصابك الامور بخير
🔮بيت الأمراض … منتصف الشهر ممكن تهتم بشخص مريض وتزوره وتدخل السعادة لقلبو
🔴بيت الزواج …. علاقتك مع الشريك بتتعرض لبعض المشاكل بعد منتصف الشهر حاول تستوعبه ليكون قريب منك وتجذبه نحوك . العازب عم يكون جذاب ويلفت نظر المعحبين
🔮بيت العمل والمهنة ….مع بداية الشهر الامور عم تسير بشكل جيد واجتماعك مع شخص مهم لتكمل مشروعك وتتابع اعمالك بعد فترة من الروتين والملل رح يكون في نتائج مريحة الك نتائج جيدة بنهاية الاسبوع الثالث ولتحقق اهدافك بسهولة
بـــــــــــ السرطان ـــــــــــرج
🔮بيت حياتك … مع بداية الشهر تبدأ الامور بالانفراج والتحسن بشكل تدريجي وعندك اشارات بيضاء للخروج من قضية او مشكلة كنت عم تعاني منها بعد منتصف الشهر تتحمل مسؤوليات جديدة وممكن يكون في مصالحة مع شخص قريب منك وعودة المياه لمجاريها بنهاية الشهر عم يزيد اهتمامك بالعائلة وتكون قريب من احد الاخوة
🔵بيت مالك …. مصاريفك مختلفة وكبيرة وممكن تدفع مبلغ مالي كبير لتحقق نجاح بمشروع او دعوى قضائية
⚫بيت حركتك وأسفارك… سفر ببداية الشهر وحركة جيدة تجتمع مع ناس جدد وتتواصل معهم عبر الهاتف ليكونو سند الك في وقت صعب
⚫بيت الأولاد والأخبار…. خبر من جهة الاولاد رح يكون سار و انفراج لاحد منهم عم يقدم فحص او قدومه من سفر بعيد
🔵بيت الأمراض … بتعاني من بعض آلام بالظهر والقدمين ولاتنسى تستشير طبيب وماتهمل صحتك ابدا
🔴بيت الزواج… ببداية الشهر بتحاول تجذب الشريك نحوك لتحظى بدعمه إلك معنويا .منتصف الشهر عم تكون رومنسي وحساس والعلاقة فيها انسجام ومودة مع الشريك . العازب في شخص معجب فيك وانت مش منتبه اله
🔮بيت العمل والمهنة… رح تكون خطواتك جيدة وحركة العمل فيها تطور بتحقق نجاح وانتصار بنهاية الشهر وممكن تنال تقدير من الرئيس او الزملاء
بـــــــــــ الأسد ـــــــــــرج
🔮بيت حياتك …. هالشهر رح يكون الك متقلب وممكن تشعر احيانا بالتوتر لكن بعد عشرة ايام رح يتحسن مزاجك وتنقلب الاحوال بتشعر بالاستقرار وبتقوى علاقاتك الاجتماعية مفاجأة سارة بتوصلك وعندك اهتمامات اضافية بمجال الدعاية والإعلان
🔵بيت مالك … عندك فواتير للدفع ببداية الشهر وممكن يكون سداد قرض حركة جيدة للمال وقبض مبلغ جيد بالاسبوع الثالث من الشهر
⚪بيت حركتك وأسفارك… ببداية الشهر حركتك عم تكون خفيفة ومقيدة خلال الاسبوع الثاني رح يكون عندك سفر مفاجأ بدون ترتيب رح تنفذ خطوات مهمة
⚫بيت الأولاد والاخبار… خبر لمولد جديد واتصالات ومحادثات لمشاريع جديدة خلال هالشهر
🔵بيت الأمراض… اهتم بنوعية طعامك ومارس بعض التمارين الرياضية ممكن تتعرض لوعكة صحية بنهاية الشهر
🔴بيت الزواج … مع بداية الشهر ممكن يحصل خلاف مع الشريك ويعتب عليك لبعدك عنه رح تحاول تصلح الامور وتكون قريب منه بعد منتصف الشهر بتقوى العلاقة بينكما وبيرجع الانسجام والمحبة بشكل كبير . العازب حب قديم بيتجدد
🔮بيت العمل والمهنة … خلال هالشهر العمل عندك كل حياتك وانت كتير متحمس لمشروعك رح تلاقي نتائج بترضيك بآخر عشرة ايام من الشهر . عليك ماتتسرع ببعض القرارت لان ممكن تتهور فيها استغل الظروف الجيدة واستشير بعض الخبراء بتحركاتك
بـــــــــــ العذراء ـــــــــــرج
🔮بيت حياتك… خلال هالشهر عم تتوضح الرؤية إلك وعم تكتشف الصديق من العدو . بعد منتصف الشهر عم تنغلق ع ذاتك وعم ترجع تعيد ترتيب حياتك وتهتم بأمورك الشخصية رح تعطي الاهمية لعائلتك وتهتم فيها اكتر
🔵بيت مالك .. تحسن بوضعك المالي وكسب جديد ممكن يكون ميراث ومال من ربح سريع
⚪بيت حركتك وأسفارك… الحركة محدودة ومتقيد ببعض الظروف المحيطة فيك
🔴بيت الأولاد والأخبار … عم تفرح بنتائج وتطور وضع الاولاد ورح تلاقي نتيجة تعبك عليهم
🔵بيت الأمراض … بتعاني من وجع بالركبة اليمين او اسفل الظهر
🔴بيت الزواج .. الشريك عم يحتفظ بمحبته بقلبه حاول تكون رومنسي ولطيف لتظهر عاطفته الجياشة الك . العازب ممكن يعلن عن خطوبة او زواج بنهاية الشهر
🔮بيت العمل والمهنة … حركة جديدة بالعمل بعد منتصف الشهر وتطورات كبيرة احيانا عم تتردد خلي قلبك قوي لان الامور رح تكون جيدة بعد منتصف الشهر وتابع مواضيعك بنفسك لتضمن النجاح اكبر
بـــــــــــ الميزان ـــــــــــرج
🔮بيت حياتك … بتحاول هالشهر تبتعد عن الاجواء السلبية وتهتم بامورك الشخصية ممكن تعتذر عن بعض الزيارات. الاسترخاء والاستقلال ببداية الشهر عم يعطيك طاقة ايجابية وحيوية بتظهرها بعد منتصف الشهر بترجعلك حيويتك وبتتفاعل مع المحيطين ورح توصلك اخبار سارة وتكون نفسيتك مستقرة ومرتاحة بنهاية الشهر
🔵بيت مالك… مجادلة وحوار حول مال بين اخذ ورد او تحصيل ميراث او ممكن تطالب بتحصيل حقك في مشروع ما
⚪بيت حركتك وأسفارك… الحركة ببداية الشهر رديئة ومارح تكون مفيدة الك لكن بنهاية الاسبوع الثاني رح تكون جيدة وممكن تسافر لأكتر من مكان رح تكون مرتاح وتنال خير بحركتك
🔵بيت الأولاد…. اهتمام من الاولاد فيك ولهفتهم رح تأجج العاطفة عندك وممكن اخبار عن مولود جديد بيدخل الفرحة بحياتك
⚫بيت الأمراض… صحتك رح تكون جيدة لكن انتبه لطعامك اذا كنت عم تعاني من السكر او ارتفاع ضغط الدم
🔴بيت الزواج … ممكن تشتكي من الشريك وتشعر انه بعيد عنك شوية خلافات مع بداية الشهر حاول انك تستوعب ظروفه وماتستفزه حتى تحقن وتخفف من الخلافات بينكما العلاقة بتكون هادئة بنهاية الشهر
🔮بيت العمل والمهنة… ممكن تعاني من بعض المشاكل بالعمل او تكون حركتك بطيئة لاتستعجل الامور وحاول تدرس خطواتك وتعالج الامور بشكل عقلاني ومتزن
بـــــــــــ العقرب ـــــــــــرج
🔮بيت حياتك… حساسيتك عم تكون كبيرة وفكرك مشغول بمواضيع هي ماشية بشكل روتيني انت طول بالك عليها وكل شي بوقتو حلو رح تتحسن احوالك وتنفرج واخبار سارة بعد منتصف الشهر الهم رح يزول وتبدا حياة جيدة بنهاية الشهر
🔵بيت مالك… مصروفك عم يكون اكبر من المدخول وممكن تستلف مبلغ مالي اضافي لتسد دين او تشتري شي ضروري
⚫بيت حركتك وأسفارك… ببداية الشهر عم تكون مقيد بالحركة ممكن تسافر لمحافظة تانية بشكل مفاجئ بنهاية الاسبوع الثالث وتكون حركة مفيدة
🔵بيت الأولاد والأخبار … اخبار جديدة بعد متتصف الشهر . استقرار بعائلتك ولمة الاولاد والحباب حولك خلال الشهر رح تكون حلوة
🔵بيت الأمراض… بتعاني احيانا من بعض القلق والاضطراب حاول تريح اعصابك وتهتم بصحتك شوي
🔴بيت الزواج … حوارات حادة مع الشريك ومعاتبة على اخطاء سابقة . العلاقة رح تتحسن وكل طرف رح يحاول يرضي التاني بنهاية الشهر عم يكون في مشروع مشترك بينكما. العازب عم يحاول يكسب قلب الحبيب ومودته
🔮بيت العمل والمهنة… رح يكون في عندك فرص كبيرة بالعمل وارباح اذا انت قدرت تستغل الظروف بشكل جديد ورح يكون في دعم معنوي من اشخاص مهمين لكن عليك الحذر من بعض الحاسدين الي ممكن يعرقلو عملك
بـــــــــــ القوس ـــــــــــرج
🔮بيت حياتك… عم تشعر ببعض التوتر والقلق وعم تحاول تخرج من الدائرة المزعجة إلك بتغير من اسلوبك بالتعامل مع بعض الناس وبتهتم بعلاقاتك الخاصة . بعد منتصف الشهر رح تكون منشرح الصدر واكتر راحة وترسم ضحكة جديدة ع وجهك
🔵بيت مالك… المتطلبات كل يوم عم تزيد وعندك مصاريف إضافية عم تتعبك كتير
⚫بيت حركتك وأسفارك …. بتجتمع مع بعض الاشخاص المحبين الك وبتكون حركتك قليلة لان ممكن تحل جميع الامور عبر الاتصال البعيد عن طريق الهاتف
⚪بيت الأولاد والأخبار … بنهاية الشهر بتتلقى خبر سار من شخص قريب وبتكون قريب ومحبتك ظاهرة على اولادك
🔵بيت الأمراض… بتعاني من بعض آلام بالمفاصل وممكن المعدة قليلا لهيك انتبه لصحتك ومارس التمارين الرياضية
🔴بيت الزواج … العلاقة مع الشريك ممكن تكون متوترة ببداية الشهر وانت عم تزيد حساسيتك وعم تدقق عتفاصيل كتير صغيرة بتعمل مشاكل بينكما حاول تكون دبلوماسي ومرن مع الشريك وتكسبه محبته الك . العازب ممكن يفكر اكتر من مرة قبل البدء بالارتباط
🔮بيت العمل والمهنة… تطورات بالعمل رح تكون كبيرة منتصف الشهر واجتماعات جديدة عم يكون الها مردود اضافي بنهاية الشهر بتحقق اهدافك وبتنال مردود جيد
بـــــــــــ الجدي ـــــــــــرج
🔮بيت حياتك … حاول تحافظ على هدوءك هالشهر وتستوعب الظروف الي عم تمر فيها ممكن تواجه صعوبات وتوقف في بعض الأعمال وهالشي رح ينعكس سلبا على نفسيتك بنهاية الاسبوع الثالث رح تبدا الامور بالانفراج بشكل تدريجي وتنفتح الك آفاق جديدة بتشعر بالتفاؤل والحيوية ضمن محيطك
🔵بيت مالك … بتوصلك هدية من شخص عزيز كان غايب ورح يكون في مبلغ مالي بيصلك بنهاية الشهر
⚫بيت حركتك وأسفارك… حركتك عم تكون داخلية وممن يزورك أشخاص كتير معظمهم كانو غايبين او جايين من سفر
⚪بيت الأولاد والاخبار … تهتم بوضع احد الاولاد الصحي وممكن ينشغل بالك عليه خبر جيد بنهاية الشهر
🔵بيت الأمراض … ممكن تعاني من وجع اعصاب او آلام بالكتف الأيمن حاول تاخد وقت للراحة والاسترخاء بين كل فترة والتاتية
🔴بيت الزواج … عم تكون سلبي بتعاملك مع الشريك وهوي عم يتقرب منك لاتخلط امور العمل بعلاقتك فيه وحاول تعيش اوقات حلوة معه لان محبتكما متساوية فاظهر حبك الدفين . العازب رح تكون قريب من نصك التاني
🔮بيت العمل والمهنة… ببداية الشهر ممكن تعاني من بعض المشاكل بالعمل رح تعمل جهدك لتوجد حلول مناسبة وماتسكت عن بعض الاخطاء الي عم تصير ممكن تتعب شوي لكن رح تلاقي ننيجة جيدة بالنهاية
بـــــــــــ الدلو ـــــــــــرج
🔮بيت حياتك … هالشهر رح يكون في عندك فرص كبيرة لتعوض الخسارة السابقة لازم تدرس خطواتك بشكل عقلاني اكتر وتبتعد عن التسرع بقرارتك. خلال الاسبوعين الأخيرين رح تتوج اعمالك بالنجاح وتكون مرتاح ممكن تلتقي مع أشخاص بتساعدك بمهامك وبنتال خير ودعم معنوي
🔵بيت مالك … خلال الاسبوع الثالث رح يتحسن وضعك المالي وممكن تقبض مبلغ مالي جيد حاول تعمل تنظيم لمصاريف وماتهدر مالك
⚪بيت حركتك وأسفارك … مجادلات وحوارت لسفر او عمل بمنطقة بعيدة ممكن ماتتوافق مع خططك لهيك ادرسها واحسبها صح
⚫بيت الأولاد والاخبار … تعب من جهة الاولاد وهم جديد وخبر ممكن يزعجك بنهاية الشهر
🔵بيت الأمراض … ممكن تعاني من صداع وألم بالرأس ريح اعصابها وخفف من عصبيتك
🔴بيت الزواج … الشريك عم يكون رومنسي ومحب الك حاول تحافظ على علاقتك معه لانه عم يحاول يرضيك ويشعرك بالمحبة . العازب رح يكون في اعجاب من الطرف الثاتي
🔮بيت العمل والمهنة … اجتماعات مهمة وتطورات كبيرة رح تحسن وضعك و يكون في عندك مردود اضافي خلال هالشهر
بـــــــــــ الحوت ـــــــــــرج
🔮بيت حياتك … الفرحة عم تدخل حياتك وعم يكون في اشياء جديدة رح تبلش فيها هالشهر بتشعر بالاشراق والسعادة تطورات كبيرة بعد منتصف الشهر بتكون حيوي وفعال مع المحيطين فيك وبتزداد شعبيتك وعلاقاتك مع الآخرين
🔵بيت مالك … مصاريفك كتير كبيرة وعندك مشتريات اضافية اول الشهر حاول تعمل شوية تنظيم وتخبي مبلغ لوقت الحاجة الو
⚫بيت حركتك وأسفارك …حركتك عم تكون محدودة وعندك ارتباط ومواعيد جديدة ممكن تقيدك شوي
⚪بيت الأولاد والأخبار… فرحة ببيت الاولاد وتحقيق لاهدافك بشكل سريع
🔵بيت الأمراض… لاتهمل صحتك منتصف الشهر ممكن تتعرض لوعكة صحية ابتعد عن المنبهات
🔴بيت الزواج … من بداية الشهر انت عم تتميز برومنسيتك ومحبتك للشريك وهالشي عم يقوي العلاقة بينكما رح تعيش لحظات حلوة وممكن تطلع معه مشاوير وسيران بعد منتصف الشهر . العازب عم يعيش لحظات حلوة وحب جديد
🔮بيت العمل والمهنة … ببداية الشهر عم تكون التطورات كبيرة وممكن تدخل بعمل جديد انساني وتكون معطاء وايدك مدودة للخير .لكن بنهاية الشهر ممكن تواجه بعض العراقيل الي بتقدر تتجاوزها بمساعدة بعض الاصدقاء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *